Kucekelwe phansi impahla engombombayi

Johannesburg - Kwaba nezigameko ezingu-264 283 lapho izikhulu bezigasela khona zishaqe impahla engumbombayi, nokwaholela ekutholakaleni kwempahla yenani elingu-R438m, negcine ngokucekelwa phansi, kusho uMnyango wezoHwebo neziMboni.

"Ezinye zezinto ezashaqwa zibandakanya lezo ekade zamenyezelwa njengombulalazwe," kusho uNgqongqoshe woMnyango uRob Davies esitatimendeni.

UDavies uthe ukugasela kulona lonke leli phakathi kuka-2008 no-2014 kwabuya nempahla engumbombayi yenani lika-R438m.

"Kulezi zimpahla kubalwa izitofu zikaphalafini, neziyingozi kakhulu ekuqaleni umlilo ongathungela imililo engacekela phansi imizi, ikakhulukazi imijondolo, ngemizuzwana," esho.

Uthi iningi lalezi zitofu zakhiwa e-Asia bese zishushumbiselwa kuleli.

Inhloso enkulu yoMnyango ukuthi uvimbele ukungena kwezimpahla ezingumkokotelo kuleli, okubalwa nezinto ezisebenza ngogesi.

"Izikhulu zixwayisa ngokuthi ngiho ama-charger omakhalekhukhwini nawo angase abe yingozi."

Lezi zimpahla zilethwa kuleli uma zifeyilile e-Asia.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter