Durban - Njengoba sezingenele osukwini lokugcina izingxoxo mayelana namaholo abasebenzi bakamasipala, izinyunyana zithi akukho lutho olubambekayo abangathi baphuma nalo, kubika i
Newswatch.Izinyunyana iSAMWU ne-IMATU, bahlangene neSouth African Local
Government Association eThekwini mayelana nalolu daba, bathi uma kungahambi ngendlela bazophoqeleka ukuba bagcwale izitaladi.
Abaxazululi baphakamisa ukuthi abasebenzi banyusele abasebenzi imiholo ngo-6,5% ngonyaka wezezimali ka-2012/2013.
Izinyunyana ziyakuhlaba lokhu njengoba bethi bafuna ukunyuselwa imali ngo-10% kuya phezulu.
OweSAMWU uTahir Sema ukhala ngokuthi izimenenja zikamasipala zinyuselwe imiholo ngo-27%.
"Izingxoxo azihambi njengokwezifiso zethu ngakho-ke sithanda ukuthi umqashi abuyekeze isiphakamiso sakhe."
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
News24
