Johannesburg – Kuqokwe isikhulu esiphezulu senhlangano yezokusakaza kuleli iSouth African Broadcasting Corporation uFrans Matlala ngokusho kombiko.
UMatlala uqokelwe esikhundleni sokuba yiChief Executive Officer kule nhlangano osekunesikhathi ihaqwe yizinkinga zangaphakathi.
UMatlala akekho musho ekuqhoqhobaleni izikhundla eziphezulu ezinkampanini njengoba eseke waba yisikhulu sakwaSandard Bank, African Life SA, First National Bank, South African Breweries nezinye.
OLUNYE UDABA: ICosatu isabise ngokubhikishela amanani ezitimela
Uneziqu ezahlukene okubalwa ezobunjiniyela, B Sc Chemistry neM Sc Degree.
Ukuqokwa kukaMatlala kuqhamuka ngemuva konyaka nengxenye obeqhoqhobele lesi sikhundla uLulama Mokhobo asule isigubhukane ngoFebruwari 2014 ngemuva kokusiqhoqhobala izinyanga ezingu-14 nje kuphela kwinkontileka yakhe yeminyaka emihlanu.
- “Like” ikhasi lethu kuFacebook ukuze uthole izindaba ngolimi lwakho