Johannesburg - Ukutholana phezulu kwabasebenzi basezimayini abatelekile kanye nonogada sekushiye abasebenzi abathathu beshonile kwalimale abangu-15 eBoitekong, kusho amaphoyisa aseNorth West ngoLwesine.
UBrigadier Thulani Ngubane uthe onogada basemayeni i-K5 Khwezi bavulele ngenhlamvu ebasebenzini ababalelwa ku-250 abebezama ukungena ngenkani ezimayini ngoLwesithathu ngezithuba zabo-13:30 emini.
UNgubane uthe amaphoyisa abizelwe endaweni yesehlakalo athola amabhomu okuzenzela kaphethiloli abesetshenziswa ngabasebenzi ebebetelekile.
Kuzohlolwa izibhamu zonogada kanye nezidumbu zabashonile.
Kuphenywa ngamacala okubulala kanye nawokuzama ukubulala.
UNgubane uthe abasebenzi basezimayini bebengenele isiteleka esingekho emthethweni esesidonse amasonto amabili.
Udweshu lwangoLwesithathu luze ngemuva kokuxoshwa kwabasebenzi.
- Landela
IzindabaNews24 kuTwitter
SAPA
