“Uthe ukusula kwakhe kungenxa yokuthi ubesefuna ukuzibophezela kwezinye izinto ezingaxhumene nenyuvesi,” kusho inyuvesi esitatimendeni.
UMazibuko wajoyina le nyuvesi ngoFebhuwari 2010, kanti wayevele esekhulumile nomkhandlu wenyuvesi ukuthi ngeke alelule ihlandla lakhe ebelizophela ngoJanuwari wonyaka ozayo.
OLUNYE UDABA: Kusule isikhulu se-Busa
USolwazi uXoliswa Mtose, nguye ozobamba amatomu kulesi sikhundla kuze kube siyagcwaliswa.
USihlalo womkhandlu uCyril Gamede uthe kunxuswa abasebenzi ukuba bameseke uMtose.
- “Like” ikhasi lethu kuFacebook ukuze uthole izindaba ngolimi lwakho