Kuvulwe amahhovisi akwaFacebook eGoli

Johannesburg – Inkundla yokuxhumana ehamba phambili emhlabeni iFacebook ivule amahhovisi ayo okuqala ezwenikazi i-Afrika ngenhloso yokusiza osomabhizinisi baxhumane ngqo namakhasimende futhi bakhulise izinkampani zabo. 

Ngokubika kweSowetanlive la mahhovisi ale nkundla yokuxhumana avulwe eMelrose Arch ngaseRosebank kanti ozoholwa yisikhulu esaziwayo uNunu Ntshingila oseqhoqhobele isikhundla sokuba yiFacebook Head of Africa.

“Kuyasikhuthaza ngendlela abantu namabhizinisi ase-Africa asebenzisa ngayo iFacebook ukuxhumana nabantu.

OLUNYE UDABA: U-Eskom uxwayisa ngeSonto elimnyama

IFacebook isalokhu iqhubeke njalo nokukhula emhlabeni kanti nezwekazi i-Afrika ikhombisa ukukhula ngamandla ukusebenzisa le nkundla,” kusho uNicola Mendelsohn oyi-VP EMEA kwaFacebook.

“I-Afrika ibalulekile kakhulu ku-Facebook kanti ukuvulwa kwala mahhovisi kuwuqondo ophusile ukuthi sibe ngqo nabantu abasebenzisa le nkundla ukuze sikwazi ukubasiza ngedingo ezahlukene ikakhulukazi ekukhuliseni amabhizinisi abo.”

Kubikwa ukuthi le nkundla izogxila ekukhuleni emazweni afana noKenya, Nigeria neNingizimu Afrika kanti amanye amazwe azosizakala ngalokhu kubalwa iSenegal, Ivory Coast, Ghana, Tanzania, Rwanda, Uganda, Zambia, Mozambique ne-Ethiopia.

       - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter