Kuvunyelwene ngolwamaholo kweyendwangu

Johannesburg – Kusayinwe isivumelwano samaholo embonini yendwangu  eKapa ngoMsombuluko, kusho i-SA Clothing and Textile Workers Union (Sactwu).

"Isivumelwano esisha samaholo samukeliwe sasayinwa emhlanganweni oyisipesheli womkhandlu odingida ngezindaba zamaholo embonini yendwangu,” kusho unobhala jikelele u-Andre Kriel esitatimendeni.

Isivumelwano seminyaka emibili sizodluliselwa eMnyangweni wezabasebenzi ukuze sisayinwe ngokugcwele.

Funda olunye udaba: 'Kunenkinga embinini yezimayini.'

"Balinganiselwa kwabangu-80 000 abasebenzi bemboni yendwangu kuzwelonke abazohlomula ngesivumelwano,” usho kanje.

Abasebenzi abasemazingeni aphansi bazonyuselwa phakathi kuka-7.5% no-10%  kuye ngokuthi basebenza kuziphi izindawo.

EWestern Cape naseGauteng, abasebenzi bakomasipala abakhulu bazokhokha imali engaphezulu ngo-0.5% ye-provident fund.

Komasipala abakhulu kwezinye izifundazwe, u-0.5% uzosiza ekukhuliseni imihlomulo yabasebenzi ngonyaka.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).