Isiphakamiso sabekwa etafuleni ngoLwesihlanu, sithi kuyothi kushaya uJulayi ka-2017, abasebenzi bayobe beholelwa imali engaba ngu-R150 000, ngonyaka.
Eminye imihlomulo iyobe ihlanganisa amabhonasi.
Izinkampani i-Anglo American Platinum (Amplats), Impala Platinum kanjalo neLonmin, zihlose ukuthi kuphele isiteleka esesidonse izinyanga ezintathu nesikhubaza imboni.
Okhulumela i-Implats uJohan Theron, uthi bebengakemukeli mbiko ovela kubasebenzi kusukela kwenziwe isiphakamiso.
Isiteleka silahlekisele abasebenzi ngemali engaba ngu-R6 047 million, kwathi abaqashi balahlekelwa yimali engaba ngu-R13 607m, kusho abakwaChamber of Mines.
Amalungu enyunyana i-Amcu, babeka phansi amathuluzi mhlaka-23 Januwari.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.