Johannesburg - Inkampani entsha eyengamele i-lotto kuleli, i-Ithuba, yenza uphenyo mayelana nokuthi kwenzeka kanjani ukuthi umlisa wase-Eastern Cape athenge izinombolo ze-Lotto nezePowerball ezifanayo ngohlelo lwe-quickpick.
UKuselo Mtyamde, 56, wase-East London ungumuntu othanda ukudlala iLotto kodwa lokhu sekumshiye nemibuzo ngobuqotho ekugembuleni ngemuva kokuthenga izinombolo ze-lotto ezikhethwa umshini (quickpick) ezifanayo ezitolo ezahlulekeme futhi ngezinsuku ezingafani.
UMtyamde wathenga izinombolo eziyisikhombisa ze-quickpick Lotto nezePowerball ezitolo ezahlukene phakathi kowenyanga kukaJuni nekaJulayi.
Kwi-quickpick umuntu akazikhetheli ngokwakhe izinombolo kodwa ukhethelwa umshini.
Funda nalolu daba: Bayanda abazifela ngokuthenmga kuma-website ocansi eSA
Lo mlisa ubuza ukuthi ngabe ukhona yini umuntu ongamnika incazelo ngalokhu.
Uthi selokhu abona lento akaphindanga nhlobo wafuna ukukhethelwa umshini izinombolo kodwa usezikhethela yena, DispatchLive.
Okhulumela i-Ithuba, u-Anda Ngani, uthe: “Ithuba zonke izikhalazo zabantu iyazibhekisisa. Lolu daba siphezu kwalo kumanje, sizonazisa ukuthi kwenzakalani.”
– "Like" ikhasi lethu ku-Facebook uze ukwazi ukujoyina inkulumo ngolimi lwakho.