Cape Town – Kwesule isikhulu esiphezulu sakwaSouth African Airways esisamisiwe emsebenzini uMonabisi Kalawe ngokusho kombiko.
Ngokubika kweFin24 okhulumela i-SAA uTlali Tlali uthe le nkampani yezindiza noKalawe bafike esivumelwaneni sokuthi uKalawe asule esikhundleni sakhe sokuba yiChief Executive Officer nokuba uMqondisi kule nkampani ngokushesha ngakho asisekho isidingo sokuqhubeka nohlelo lokuqondiswa izigwegwe.
OLUNYE UDABA: ISABC izosidlulisela phambili esokumisa uMotsoeneng
Lokhu kuqhamuka ngemuva kokuba uKalawe ehlulekile ukumisa uhlelo lokuqondiswa kwakhe izigwegwe nokuguqula ukumiswa kwakhe kwiNkantolo yesiSebenzi eGoli ngoLwesihlanu olwedlule.
“Ngesikhathi kuqhubeka uhlelo lokuqondiswa izigwegwe zombili izinhlaka ezithintekayo zivumelene ukuthi ubudlelwano besisebenzi uMnu Kalawe nomqashi i-SAA akusekho ukuthembana phakathi kwazo.
Okuholele ekutheni uMnu Kalawe asule ezikhundleni zakhe,” kusho uTlali kwisitatimende.
- “Like” ikhasi lethu kuFacebook ukuze uthole izindaba ngolimi lwakho