Cape Town – Njengoba abasebenzi abakha esikhungweni esiphehla ugesi eMedupi beqhubeka nokubamba isiteleka ngoMsombuluko, maningi amathuba okuba ucime ugesi kuleli sonto, ngokusho akwabaka-Eskom.
Abasebenzi bayaqhubeka nokuteleka njengoba beseka abasebenzi abalinganiselwa kwabangu-1 700 abaxoshwa noma ababhekene nokuqondiswa izigwegwe kulandela isiteleka abasibamba ngoMashi 25, kusho iNational Union of Metalworkers of SA (Numsa).
USteve Nhlapo weNumsa, ngoMsombuluko utshele abeFin24 ukuthi ivalwe thanqa iMedupi.
Funda nalolu daba: Siwumkokotelo isitembu sakwaSABS kwesika-DJ Sbu.
UNhlapo uthe iNumsa kanye nabaholi bakwa-Eskom eMedupi kulindeleke bahlangane ngenhloso yokudingida lolu daba, ngo-16:00 kuzobe sekumenyezelwa okuphunywe nakho emhlanganweni.
Onjiniyela batshele abaphathi ukuthi ugesi uzoba ngaphansi kwengcindezi isonto lonke ngenxa yezinhlelo ezihleliwe kanye nezinkinga ezingahleliwe, kusho uKhulu Phasiwe.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.