Liphindeke kabili inani labantu abamnyama abathole imisebenzi, kusho iSekela likaNgqongqoshe kuleli hhovisi, uButi Manamela.
"Emathubeni angu-6 million emisebenzi eyakhekile, engu-5.3 million kuyona itholwe ngabantu abamnyama,” esho.
OLUNYE UDABA: Kuzokwakheka amathuba omsebenzi - Zuma
UManamela ubebhekise embikweni omayelana nokuqashwa kwabantu abanamakhono kanjalo nalabo abantula umsebenzi kuleli kule minyaka engu-20 eyedlule.
Lo mbiko uhlanganiswe ngabeStatistics SA.
Izibalo ziqhuba ngokuthi linyuke ngo-26% inani lokuqasheka kwabantu abanamakhono emphakathini ongamaNdiya, kwathi ebelungwini laba ngu-19%, emakhaladini ngu-11% kwathi ebantwini abamnyama lama ku-3%.
UManamela uthe uma bezicubungulisisa kahle lezi zibalo, ikakhulukazi entsheni emnyama, ziyakhathaza kakhulu.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter