Cape Town - U-Eskom uqalile ukucima ugesi ngaphansi kohlelo uStage 2 kusukela ngo-06:00 kanti kulindeleke ukuthi luqhubeke kuze kube ngu-22:00 ngoLwesithathu ebusuku.
Lokhu kulandela ukucima kukagesi ngaphansi kukaStage 2 noStage 3 ngoLwesibili, u-Eskom waqinisekisa amakhasimende ukuthi lesi sinyathelo sithathwa ukuze kuvikelwe ugesi.
OLUNYE UDABA: Akulindelekile ukucima kukagesi - Eskom
Ukubambezeleka kokulungiswa kweziphehli zikagesi yikho okudale ubumnyama ezweni, kusho okhulumela le nkampani ephehla ugesi uKhulu Phasiwe.
"Uma kunoshintsho njengoba ugesi uvele uthwele kanzima sizophoqeleka ukuba sishintshe izigaba,” kusho u-Eskom esitatimendeni ngoLwesithathu.