Cape Town – Aphakathi nendawo amathuba okucima kukagesi ekuseni ngoLwesinili bese eba phezulu ebusuku, kanti konke kuzoncika eziphehlini zikagesi, kusho u-Eskom.
U-Eskom, omise ukucima kukagesi ngaphansi kukaStage 1 ngo-21:46 ngoMsombuluko, uthe ugesi usengaphansi kwenkulu ingcindezi nokuyinto okulindeleke idonse isonto lonke.
Abantu baseNingizimu Afrika bathwele kanzima ngokuhamba kukagesi kusukela kuqale lo nyaka, nokuyisimo esingakaze sibonakale kusukela ngo-2008.
OLUNYE UDABA: Luyaqhubeka uhlelo lokucima ugesi
U-Eskom uthi uzama ukulungisa iziphehli khona uzoba nesiqiniseko sokuthi ugesi uzoba khona ngokuhamba kwesikhathi.
Le nkampani ibe isinxusa amakhasimende ukuba onge ugesi ukuze nayo ingaphoqeleki ekutheni icime ugesi isikhathi eside.