Johannesburg – Inhlangano yonjiniyela eNingizimu Afrika ebizwa ngeConslting Engineers South Africa (Cesa) isimemezele ukuthi uhlelo lwama-etolls iyona ndlela ehamba phambili ekuthuthukiseni imigwaqo yaseGauteng.
“Iyona yodwa indlela engasebenza ngokushesha ukulungisa isimo semigwaqo enguthelawayeka kulesi sifundazwe,” kusho uWallace Mayne oyisikhulu sale nhlangano.
“Kwi-Cesa lungangasisebenzela kodwa yilona lodwa uhlelo olungasebenza. Inkinga wukuthi akekho oseke wachazela abantu kahle ngalo,” kusho yena.
Ngokubika kwe-Fin24 le nhlangano imele cishe izinkampani zinjiniyela ezingu-500 kanti ikusho lokhu ngesikhathi yenza isethulo salokhu phambi kwethimba labeluleki ohlelweni lwama-etoll eMdrand eGoli.
Kuthiwa leli thimba lizobhekelela izindlela ezingasetshenziswa ukuze lolu hlelo lwama-etolls lusebenze.
NgoMsombuluko uhulumeni waseGauteng umemezele ukuthi leli thimba lizoxhumana nezinhlaka ezahlukene kusukela ngoLwesithathu lapho kuzodingidwa khona ukuthi kungenzeka kanjani ukuze lolu hlelo lube yimpumelelo.
Kulindeleke ukuba libuye nezimpendulo kuNdunankulu waseGauteng uDavid Makhura ngoNovemba.
- “Like” ikhasi lethu kuFacebook ukuze uthole izindaba ngolimi lwakho