Omasipala bakuleli bakweleta izigidi ngamanzi

Cape Town – Omasipala baseNingizimu Afrika bakweleta izinkampani zamanzi imali engafinyelela ku-R2.1bn kanti omasipala baseFree State bona nje kuphela bakweleta imali ecishe ifinyelele ku-R1bn, kusho uNgqongqoshe wezokubuBusa ngokuBambisana nezoMdabu uPravin Gordhan etshela iPhalamende.

Omasipala baseWestern yibona abakweleta imali encane – engu-R372 000, iFree State ikweleta u-R971.8m, omasipala baseMpumalanga yibona abalandelayo ngesikweltu esikhulu njengoba bekweleta u-R357m bese kuthi abaseLimpopo bakwelete u-R323m.

Funda nalolu daba: Kushoda amanzi eGoli namaphethelo.

Omasipala baseNorth West bakweleta u-R254m kanti abaseNorthern Cape bakweleta u-R76m.

AbaseGauteng bakweleta uR46.6m, i-Eastern Cape R42m bese kuthi iKwaZulu-Natal yona ikwelete u-R9.4m.

Embuzweni obubhalwe phansi ubhekiswe kuGordhan, ilungu le-ANC ePhalamende uNokukhanya Mthembu, belibuze ukuthi omasipala bakweleta malini ngamanzi nokuthi yiziphi izinyathelo ezithathwa umnyango wakhe ukulungisa le nkinga.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).