London – Osomabhizinisi abehlukene baseBrithani sebekushayele ihlombe ukuthi
iScotland isazoqhubeka nokuba ngaphansi kwe-UK ngemuva kokuvotwa okwenzeke
ngoLwesine.
Ngokombiko kwe-Fin24 iningi losomabhizinisi namazwe ahlukene
abekhathazekile ngokuthi uma kwenzeka iScotland sigcina sizimela kungakhubaza
umnotho.
Kubikwa ukuthi ngesikhathi kusaqala imikhankaso yokuthi leli lizwe
lizimele umnotho uke wathi ukutengatenga kwazise abatshali bezimali babe
nokwesaba ngalokhu.
OLUNYE UDABA: Kugwetshwe owakuleli ngelokubulala e-UK
IScotland yizwe elaziwayo ngowoyela nokuyinto
elinobudlelwano obuhle namanye amazwe angaphansi kwe-EU.
Ukuzimela kweScotland
kusue itwetwe nasezinhlakeni ezahlukene okubalwa kuzo namabhange ombuso
abengazi ukuthi azokwenzenjani uma umphumela uvune iScotland.
Kuzokhumbuleka
ukuthi bekunomkhankaso kaYES obuvuna iScotland sizimele nokaNO obuseka ukuthi
siqhubeke nokuba ngaphansi kwe-UK.
Osomabhizinisi basijabulele isinqumo esithi leli lizwe lisazoqhubeka
nokuba yingxenye ye-UK njengoba kusho ukuthi akukho okozoshintsha.
- “Like” ikhasi lethu kuFacebook ukuze uthole izindaba ngolimi lwakho