Cape Town – INkantolo eNkulu yaseWestern Cape isichithile ngoLwesine isicelo seSanral neProtea Parkway Consortium (PPC) sokugcina imiqulu yomklamo wokwakhiwa kwama-Toll Gates ku-N1/N2 Winelands iyimfihlo.
Nakuba isicelo sabo sichithiwe, uJaji Ashley Binns-Ward ukhiphe umyalelo ozogcina eminye imininingwane iyimfihlo kuze kube inkantolo ibhekisisa isinqumo seSA National Roads Agency Limited (Sanral) sokukhokhisa abashayeli ngemigwaqo.
Alukabekwa usuku okuzobhekisiswa ngalo isinqumo.
ISanral ibifake isicelo sokuvimbela idolobha laseKapa ukuba lifake isicelo sokudalula imininingwane yemigulu emphakathini.
ISanral ibisola idolobha ngokuthi lizama ukwenza isinqumo sayo, sokukhokhisa abashayeli ngokusebenzisa imigwaqo emikhulu, kube sengathi asikho emthethweni.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.