Simiswe emsebenzini isikhulu se-etv

Johannesburg – Kumiswe isikhulu sesiteshi sikamabonakude esizimele i-etv ngezinsolo zokungaziphathi kahle ngokusho kwenkampani iHosken Consolidated Investment (HCI). 

Ngokubika kwe-Channel24 uMarcel Golding umiswe ngokushesha emsebenzini wakhe kanti kulindeleke ukuthi abhekane nokuqondiswa izigwegwe ngokungaziphathi kahle emsebenzini wakhe ngoMsombuluko mhlaka 27 ku-Okthoba.  

Kubikwa ukuthi usezinhlelweni zokukuvimba ukumiswa kwakhe. 

Ngokwesitatimende esikhishwe yiHCI amacala uGolding abekwe wona abucayi kakhulu yingakho kumele abhekane nokuqondiswa izigwegwe. 

OLUNYE UDABA: Kuboshwe izintatheli ze-etv eSwazini

Ukumiswa kukaGolding kuqhamuka emasontweni ambalwa kumiswe isikhulu esiphezulu se-SABC uLeo Manne.

Ngakolunye uhlangothi uSihlalo weBhodi le SABC uselufake enkantolo udaba lweziqu zakhe njengoba efuna ukuvimbela ikomidi le lePhalamende lingampheki ngemibuzo ukuthi wazithola kuphi futhi kanjani.

I-HCI yinkampani engaphansi kweSabido Investment ephethi i-etv , eNCA Sasani Studios, Platco Digital’s Open View HD (OVHD). 

Le nkampani ayifunanga ukuphawula ngamacala uGolding abhekene nawo njengoba iveze ukuthi izothatha izinyathelo ezifanele ukuvikela isithunzi senkampani nequbekela phambili yayo.  

     - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter