Cape Town – Singase senziwe namhlanje ngoMsombuluko isimemezelo esizobe sikhomba ukuphela kwesiteleka esesidonse isikhathi esidi eposini.
Isivumelwano, esenziwe uNgqongqoshe weTelecommunications and Postal Services uSiyabonga Cwele, sesithathwe abaphathi beSA Post Office (Sapo) bayosethulela abasebenzi abatelekile.
Khonamanjqlo, ngokusho kwemithombo, amalungu ebhodi
eliphezulu leSapo asethole izincwadi eziwacela ukuba abeke izizathu zokuba
kungani kumele angacelwa ukuba ehle ezikhundleni zawo.
Ukungaphathwa
komsebenzi ngendlela, yizinsolo zokukhwabanisa nezokuqasha ngokwazana, yikhona
okuthiwa sekuphele iminyaka kwenzeka kule nkampani engaphansi kahulumeni.
Funda nalolu daba: Inyunyana izothathela uTelkom izinyathelo zomthetho.
Phambilini izinyunyana bezikhala ngokuthi abaphathi abafuni ukuxoxisana
nabo, nokuphoqelele ekutheni izinyunyana ezintathu zabasebenzi, eziholwa yiCommunications
Workers’ Union (CWU), ziyalele amalungu azo ukuba angasiyeki isiteleka.
Eminyakeni emithathu eyedlule i-CWU yacela ukuba uMvikeli woMphakathi
enze uphenyo ngezinsolo okunukwa ngazo
iSapo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.