“Kumele kuqedwe nya ngokuthi abelungu kube yibo abahamba phambili ngemisebenzi,” kusho uNobhala weCosatu esifundazweni uTony Ehrenreich etshela iCape Argus ngoLwesithathu.
Uthe uma i-ANC idla umhlanganiso wokuphatha isifundazwe okhethweni oluzayo, iCosatu izocela i-ANC ukuba yenze izinguquko.
“Izibalo zakamuva esinazo zitshengisa ukuthi izikhundla eziphezulu ziqhoqhobelwe ngu-57% wabelungu kulesi sifundazwe,” esho wathi uhlelo lukasenzangakhona kumele lungenelele.
Uthe abelungu benza u-16% qha wabantu kulesi sifundazwe.
Ngokwezibalo zango-2011, isibalo samakhaladi sehla saba ngu-53.9% saya ku-49.6% ngo-2011 eWestern Cape, kwathi abelungu behla besuka ku-18.4% baba ngu-16%.
Abantu abamnyama benyuka besuka ku-26.7% baya ku-33.4%.
“Lokhu kuchaza ukuthi abelungu baningi kakhulu ngokwemigomo ebekiwe eWestern Cape – ngakho singasho nje ukuthi ingxenye yabelungu abasezikhundleni kuyodingeka ukuthi badilizwe,” kuchaza u-Ehrenreich.
La belungu kuzomele badedele abantu abamnyama nabo abaneziqu ezifana nezabo, esho.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter