Johannesburg – Njengoba ilanga likhipha umkhovu etsheni ezingxenyeni eziningi zaleli lizwe, u-Eskom usucele amakhasimende ukuba asebenzise ama-fan esikhundleni sama-air conditioner.
Lesi sikhondlakhondla senkampani kagesi sijwayele ukusebenzisa izinyanga zasehlobo ukulungisa iziphehli zawo.
OLUNYE UDABA: U-Eskom ungenela esontweni lesithathu ugesi ungacimi
“Ukuzinza kwesimo kuvumele ukuthi zikwazi ukulungisa iziphehli njengoba umsebenzi wethu kungukuqikelela ukuthi ugesi uhlezi ukhona ngaso sonke isikhathi.”
Ukucima kukagesi kuke kwalihlasela kakhulu leli lizwe ebusika, kanti u-Eskom uthi lokho bekudalwa ukuthi ugesi usebenza kakhulu uma kumakhaza.