U-Eskom usayine isivumelwano samalahle

Johannesburg - Inkampani yakwa-Eskom isayine isivumelwano sokusebenzisana ne-Anglo American Inyosi Coal.

Le nkampani izohlinzeka u-Eskom ngamalahle esikhungweni esiphehla ugesi, iKusile Power Station.

“Isivumelwano simayelana nezindlela zokusebenzisana ngenhloso yokufukula umnotho, izwe libe nekusasa eliqhakazile,” kusho isikhulu esiphezulu kwa-Eskom uTshediso Matona ngoLwesihlanu, kubika iCity Press.

Funda nalolu daba: Kulindeleke ukuba ucime ugesi ngempelasonto.

“U-Eskom ne-Anglo American bayimigogodla yomnotho wezwe laseNingizimu Afrika, ngaleyo ndlela asikwazi ukwehluleka,” usho kanje.

Isivumelwano esisayinwe ngoLwesihlanu olwedlule sizokwenza ukuba amalahle asuke embonini yamalahle ayophakela isikhungo sikagesi esisakhiwa ngaseMalahleni (eWitbank), eMpumalanga.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).