Johannesburg – U-Eskom usungenele osukwini luka-23 ngaphandle kokucisha kukagesi, lokhu kulandela ukuvulwa ngokusemthethweni kwesiphehli sikagesi u-Unit 6 eMedupi.
Lesi siphehli sivulwe nguMengameli Jacob Zuma ngeSonto, ngemuva kokuthi ugesi esiwuphehlayo ufakwe eziphehlini eziphakela izwe lonke.
“U-Unit 6 ukwazile ukwehlisa ingcindezi kagesi ebikhona kuleli, yasiza nasekutheni kugwemeke ukucishwa kukagesi,” kusho le nkampani.
OLUNYE UDABA: Siyazama bandla akufani - Eskom
“Siyaqhubeka sinxusa amakhasimende ethu ukuba aqhubeke nokonga ugesi. Noma wonga ugesi omngakanani, lokho kwenza umehluko omkhulu.”
INingizimu Afrika ike yabhekana nesikhathi esinzima sokucima kukagesi cishe zonke izinsuku ebusika.