Cape Town – Inkampani ephehla iphinde iphakele leli ngogesi, u-Eskom, imemezele ukuthi ugesi uzoqala ukucisha ngaphansi kukaStage 1 ngo-16:00, bese ungena kuStage 2 kusukela ngo-17:00 kuya ku-22:00 ngoLwesithathu.
Le nkampani ithe lokhu kungenxa kagesi oshodayo emuva la uphehlwa khona ngoba kunemishini elungiswayo.
OLUNYE UDABA: U-Eskom uzocima ugesi ngaphansi kukaStage 1
U-Eskom uthi ukwazile ukuhlangabezana nezimfuno zikagesi ekuseni, ugesi wangahamba.
"Kulindeleke ukuthi ugesi ucime ngo-16:00 ngoba sizohluleka ukuhlangabezana nomthamo odingekayo. Kubalulekile ukuthi u-Eskom ucime ugesi ukuze kulungiswe imishini khona ingeke ihluphe ngesikhathi esizayo.”
Le nkampani iphinde yacela amakhasimende ukuba aqikelele ekongeni ugesi.