UMengameli uqoke uKhomishana omusha wakwaSars

Pretoria – UMengameli Jacob Zuma uqoke uThomas Swabihi Moyane njengoKhomishana omusha weSouth African Revenue Services (Sars).

Ngokubika kwezindaba ze-SABC uMengameli uqoke uMoyane ngaphansi kwesigaba sesithupha somthetho wakwa-Sars sango-1997 kanti ukuqokwa kwakhe kulindeleke aqale ukusebenza ngomhlaka 27 kuSepthemba 2014.  

UMayane ubesebenza njengomeluleki  kwaState Inforamtion Technology Agency (Sita) kanti ngokweziqu unguSomnotho.

OLUNYE UDABA: I-Sars iqoqe intela engaphezulu kwebilindelekile

Kubikwa ukuthi uneziqu zeBsc Econmics azithole eNyuvesi yase-Eduardo Mondlane e-Mozambique nezinye iziqu azithole ezikhungweni zemfundo ephakeme ezahlukene.  

Ngesikhathi esekudingisweni uke wasebenzela uhulumeni waseMozambique  kanti useke wasebenzela neminyango eyahlukene kuhulumeni wakuleli. 

Umbiko uveza ukuthi uMoyane unesipiliyoni esingaphezulu kweminyaka engu-30 emkhakheni ophathele nezomnotho nezimali.  

Kuthiwa uMoyane ubonge uMengameli noNgqongqoshe weziMali kuleli uNhlanhla Nene ngokumnika ithuba lokuphatha isikhungo sakwaSars.

    - “Like” ikhasi lethu kuFacebook ukuze uthole izindaba ngolimi lwakho

     - Landela IzindabaNews24 kuTwitter