Durban - Angaphezu kuka-1 100 amaloli asethunjiwe kuleli laseNingizimu Afrika, kusukela kuqale unyaka, kanti lukhulu uvalo olukhona kubanikazi bezitolo ababhekene nebhizi yokugcwalisa impahla njengoba kuza isikhathi sikaKhisimusi.
Ngokusho kwabakwaRoad Freight Association, ingaba phakathi kuka-R1 million no-R7m, imali elahlekayo ngokudunwa kweloli ngalinye, nokudla izinkampani zomshwalense imali engaba ngu-R1 billion ngonyaka.
“Sibona kukhula ukudunwa kwamaloli athwele ukudla, kuthathwa ukudla okuningi,” kusho okhulumela usoseshini uGavin Kelly, etshela abezindaba zeDaily News.
Isibalo lesi sikhulu kukhulu uma kuqhathaniswa nangonyaka owedlule.
Funda nalolu daba: Iphoyisa kwababoshelwe ukuduna imoto
“Uma kudunwa ololi likaphethiloli uthengiswa, lokhu kukhomba ukuthi baningi abasuke bekuleyo nkohlakalo, akugcini nje ngokuba yizigebengu ezisemgwaqeni," kusho uKelly, ethi ukudlanga kokudunwa kwamaloli kwaqala ukugqama ngo-2008.
Umbiko ukhomba ukuthi abaduni bazi kahle ukuthi amaloli ahamba kuphi, ngaziphi izikhathi futhi yini esuke ithwelwe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.