Ugesi ungaphansi kwengcindezi - Eskom

Cape Town - Ugesi ungaphansi kwenkulu ingcindezi ngenxa yezinkinga ezikhona eziphehlini zikagesi ngakho u-Eskom uyaphoqeleka ukuba usebenzise uStage 1 wokulungiselela ukucima ugesi.

Lolu hlelo luqale ngo-11:00 luzoze luphele ngo-22:00.

U-Eskom ucela amakhasimende ukuba acime amagiza nezinye izinto ezingesona isidingo emini ukuze kwehle ukugqilazeka kukagesi.

Abantu abasebenza emahhovisi bayacelwa ukuba bashiye becime yonke imishini ebusuku.

OLUNYE UDABA: Ungase unqamuke ugesi namhlanje - Eskom

Labo abasebenza ezinxanxatheleni zezitolo bangenza umehluko omkhulu uma nabo bengaqikelela ekutheni azikho izibani ezikhanya kungenasidingo.

Uma kunesidingo sokuthi u-Eskom ucime ugesi, kuzosetshenziswa uhlelo olujwayelekile, ngakho amakhasimende ale nkampani ayacelwa ukuba ashayele ku-0860 037 566.

Amakhasimende kamasipala angaxhumana nomasipala bangakubo.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter