Johannesburg – Akukho okubi ngokuthi amalungu eKhabhinethi abenamabhizinisi noma enze eminye imisebenzi eceleni, uma nje lokho kungashayisani nokusebenzela uhulumeni, kusho uNgqongqoshe wezokuXhumana uFaith Muthabi.
"Uhulumeni uyibonile imibiko yabezindaba, ekhuluma ngamabhizinisi kaMengameli uJacob Zuma angasese kanye nawamanye amalungu eKhabhinethi,” kusho uMuthambi esitatimendeni ngoMsombuluko.
"Ngalolu daba, ongqongqoshe, amaphini abo namalungu ePhalamende babekelwe kuze kushaye u-Agasti 15 ukuba badalulele iPhalamende ngamabhizinisi noma ngeminye imisebenzi abayenzayo eceleni.”
Ongqongqoshe abawaphiki amabhizinisi abanowo noma imisebenzi abayenzayo eceleni njekokuba kubikiwe, abanye basazilungiselela ukwesula emisebenzini abebeyenza eceleni, esho.
NgeSonto, iCity Press yabika ukuthi amalungu abangu-72 kubalwa noZuma, banamabhizinisi eceleni.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.