Usomnotho uthembisa ezimnandi ngophethiloli

Johannesburg – Kulindeleke ukuthi intengo kaphethiloli yehle kakhulu ngenyanga ezayo njengoba kuzoqala isikhathi sokukhithiza samaholidi kaKhisimusi.

Ngokombiko we-SABC osomnotho bathi intengo kawoyela nophethiloli kungenzeka yehle ngamasenti angu-45 ilitha bese kuthi ongahluziwe wehle ngo-57 wamasenti ilitha.

Kubikwa ukuthi lokhu kuzohambisana nokuqina kwerandi njengoba libukeka lithembisa kulezi zinsuku.

OLUNYE UDABA: Sebedla izimbali abakade bephuza uphethiloli

Usomnotho weCredit Guarantee Insurance Corporation uLuke Doig uthe isimo somnotho wakuleli siyathembisa njengoba kuza isikhathi sokukhithizekla uKhisimusi. 

“Ukwehla kwentongo kaphethiloli kuzokhulula abathengi abaningi ikakhulukazi njengoba kungamaholidi,” kusho uDoig.

Uqhube wathi abantu bakuleli sebeke babhekana nenkulu ingcindezi kulo nyaka njengoba intengo kaphethiloli nodizili ike yanyuka ngendlela emangalisayo.

“Isimo sithanda ukuba ngcono manje kanti sisengaqhuka sibe ngcono ngokuhamba kwesikhathi,” esho.

     - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter