Cape Town - Inkampani ephehla iphinde iphakele leli lizwe ngogesi, u-Eskom, isimemezele ukuthi izoqala ukucisha ugesi ngaphansi kukaStage 2 kusukela ngo-16:00 ngoLwesihlanu.
"U-Eskom uzongena kuStage 2 kusukela ngo-16:00, okulindeleke ukuthi kuqhubeke kuze kushaye u-22:00," kusho le nkampani enkundleni yezokuxhumana uTwitter.
Njalo uma kuzocisha ugesi, u-Eskom uqinisekisa amakhasimende ukuthi ucisha ugesi uma kunesidingo ngempela.
OLUNYE UDABA: U-Eskom usungene kuStage 2
Amakhasimende ayanxuswa ukuba onge ugesi aphinde acishe izinto ezisebenza ngogesi uma zingasetshenziswa.
Ukucinywa kukagesi ngezigaba kuthiwa kusazoba yinto ezoqhubeka isikhathi eside kuleli ngenxa yeziphehli ezingasebenzi kahle nokudala ukuthi le nkampani ingakwazi ukuphehla ugesi owanele.