Cape Town – Ibhange loMbuso selikuqinisekisile ukuthi umphathi walo uGill Marcus usezothi khumu kulesi sikhundla ngoNovemba.
UMarcus, ohole iNingizimu Afrika ezikhathini ezinzima zomnotho kule minyaka emihlanu eyedlule, ukhulume esithangamini sabezindaba ngemuva kokuphela komhlangano weMonetary Policy Committee (MPC), wathi usemazisile uMengameli Jacob Zuma ngesinqumo sakhe.
OLUNYE UDABA: Ngeke ufadalale umnotho - Marcus
"Umhlangano wami wokugcina lo we-MPC. Sengimazisile umengameli ukuthi ngeke ngisayivuselela inkontileka yami,” esho, ngokombiko weReuters.
Leli bhange limemezele ukuthi izinga lemali mboleko lizohlala ku-5.75%.
Intengo yemali mboleko isikhuphuke ngo-75 basis points kulo nyaka.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter