Uzokhokhelwa u-R250m uMark Shuttleworth

Cape Town – INkantolo yokudluliswa kwamacala ivune usozigidigidi uMark Shuttleworth odabeni oluthinta iBhange loMbuso yabe isiyalela ukuba akhokhelwe u-R250m ohambisana nenzalo.

UShuttleworth waqala ukuba ngundabuzekwayo ngesikhathi edayisa inkampani yakhe, iThawte ngo-1999 ngemali engu-$575m.

Ngesikhathi uShuttleworth eseyohlala e-Isle of Man wahamba nomcebo wakhe wonke, iBhange loMbuso lamkhokhisa u-R250m wentela njengoba wayezohamba nomcebo wakhe wonke aye kwelinye izwe.

Funda nalolu daba: Inkantolo ikhiphe umyalelo wokuboshwa kwesikhulu.

NgoLwesithathu uShuttleworth uthe imithetho elawula ukuhwebelana ngemali eNingizimu Afrika yenza kubenzima ukuba umuntu agcine umcebo wakhe isikhathi eside, kunalokho ukhulisa izindleko.

"INkantolo yezokuDluliswa kwamacala ngoLwesithathu ivune mina odabeni olumayelana nemithetho yokuhweba. Inzalo yelami ka-R250m ngizoyifaka esikhwameni, ngenhloso yokuba isize labo ababhekene nenkinga abenginayo kodwa bengenawo amandla ezindleko zenkantolo,” usho kanje.

UShuttleworth uthi kuyizindleko kakhulu ukusebenzela ngaphandle kwezwe laseNingizimu Afrika uma uqhathanisa nakwamanye amazwe ngenxa yemithetho ekhona.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).