Durban – Isikhulu se-Archdiocese of Durban sesibize isiphakamiso senkampani ephakela leli ngogesi, u-Eskom, sokunyusa amanani kagesi sathi “siyisono”.
"Kunezindlodla zemali ezehla ngemilenze ngenxa yokungahleleki kwale nkampani. Kuzoba yisono esibhubhisayo ukunyusa amanani kagesi,” kusho u-Enoch Lewis ngesikhathi iNersa ibambe izigcawu zezimvo zomphakathi eThekwini ngoLwesine.
INational Energy Regulator of SA ibambe lezi zigcawu kulandela isiphakamiso sika-Eskom sokunyusa amanani kagesi ngo-16%, ukuze ubuyise u-R22.8 billion abawuchithe kwezinye izinto.
Lezi zigcawu sezidlulile ePort Elizabeth naseKapa.
OLUNYE UDABA: Ezimnandi ngogesi ezivela kwa-Eskom
U-Eskom usuqinisekise izwe ukuthi ngeke kube khona ukuphazamiseka kukagesi, ngisho noma iNersa isichitha isicelo sawo.
ULewis ucele iNersa ukuba ingasiphasisi isicelo sika-Eskom kuze kube kushintshwa abasezikhundleni.
"Yebo, siyazi ukuthi u-Eskom kunezingqinamba obhekene nazo, ngoba nabampofu bayawugebenga ugesi.”
ULewis uthe abahola impesheni vele sebedonsa kanzima kwayimanje.