Abadlali abasezingeni njengoMasha bayabiza - Inkakha

Johannesburg - Iqembu leBidvest Wits lithi alizimisele ngokusayinisa umdlali wasemuva weKaizer Chiefs, obengumdlali ovelele wePSL kule sizini, uTefu Mashamaite, nakuba ingase imthole mahhala.

Inkontileka kaMashamaite neChiefs kulindeleke ukuba iphele ekupheleni kukaJuni, kanti lo mdlali neqembu basavalelene ezigxoxweni ngenkontileka entsha.

Lo mdlali owayegijima kuWits umataniswa namaqembu afana namaClever Boys kanjalo neMamelodi Sundowns.

Funda nalolu daba: Kulindeleke iMadrid imemezele umqeqeshi omusha

Kodwa isikhulu esiphezulu seWits, uJosé Ferreira, utshele iKickOff.com ukuthi iqembu lakhe alizimisele ngalo mdlali weChiefs. "Akukho esikubekele uMashamaite," kusho isikhulu seWits.

UMashamaite kulindeleke akhiphe isitatimende mayelana nekusasa lakhe.

Khonamanjalo, uNeil Tovey kwabeSoccerLaduma uthe uMashamaite ungumdlali osezingeni eliphezulu futhi iChiefs izontenga ngaphandle kwakhe.

“Ungumdlali osezingeni eliphezulu kanti-ke futhi abadlali abasezingeni eliphezulu bayabiza, kodwa angikholelwa ukuthi uMasha kumele afune amadlelo aluhlaza [kuleli] ngaphandle kwaphesheya kwezilwandle."

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).