Johannesburg – Unozinti weKaizer Chiefs u-Itumeleng Khune usaqhubeka nokuba yintandokazi kubalandeli baleli qembu njengoba ehamba phambili ngokuvotelwa koweCarling Black Labe Cup.
Ngokubika kweKickOff ngoMsombuluko mhlaka-25 kuMeyi lo nozinti ubeqenqeleza phambili ngamavoti angu-123 041 kanti ubelandelwa uMulomowandau Mathoho namavoti angu-20 494, kube uBernard Parker no-19 331, kulandele uTefu Mashamaite no-18 190 noTsepo Masilea no-16 331.
Ngakolunye uhlangothi kwi-Orlando Pirates uBrighton Mhlongo usahamba phambili ngamavoti angu-57 861 alandelwe uLehlohonolo Majoro no-15 962, noKemirt Erasmus no-15 278 kulandele u-Oupa Manyisa no-14 261.
OLUNYE UDABA: Iziqongqwane zeChiefs zikhonjwe ezafika ngayo – Umbiko
Okushaqisayo ngezibalo zeBucs ukuthi uMenzi Masuku osethole amavoti angaphezulu kukaSifiso Myeni.
Okwamanje uhlu lwabadlali abazoqala lo mdlalo kula maqembu lumi kanje: Kaizer Chiefs: Khune - Gaxa, Mashamaite, Mathoho, Masilela - Lebese, Katsande, Letsholonyane, Tshabalala - Parker, Zulu.
Kwi-Orlando Pirates: Mhlongo - Jele, Mahamutsa, Sangweni, Matlaba - Rakhale, Manyisa, Sarr, M Masuku - Majoro, Erasmus.
Nakuba abalandeli beqhubeka nokuvotela abadlali ababafuna ensimini kodwa izinto zisengaguquka njengoba njengoba kusanda kuvela izindaba zokuthi uMashamaite noKhune sebekhonjwe indlela kuleli qembu.
- “Like” ikhasi lethu kuFacebook ukuze uthole izindaba ngolimi lwakho