Cape Town - IKaizer Chiefs isidalule ukuthi iqembu lijabule ngamalungiselelo abebanjelwe ePort Elizabeth, kubike iSoccerladuma ngoMsombuluko..
Amalungiselelo aphele kahle ngokushaya iChippa United ngo4-2, okuwumphumela ozolisiza kakhulu iqembu njengoba lizobhekana ne-Orlando Pirates koweCarling Black Label Cup ngoMgqibelo, Julayi 26.
Umdlali wamaGlamour Boys, uSiboniso Gaxa, ubeke izizathu ezenza iqembu lijabule ngamalungiselelo, “ Indawo yasePort Elizabeth bekuyindawo efanele amalungiselelo. Iyindawo ekunikeza ukuthula okudingayo uma kukhona ozilungiselela khona. Sijabule futhi nangendlela izinto eziqhube ngakhona enkanjini kanti kumanje sesilangazelela ukuqala kwesizini.”
UKatlego Mphela, yena uqhube wathi, “Indawo ebesizilungiselela kuyona ibisezingeni eliphezulu. Besize lapho ukuzosebenza kanti yilokho kanye ebesikwenza ezinsukwini eziyishumi ezedlule. Ukuthula okoseWindy City kusisize kakhulu emalungiselelweni ethu. Abantu basamukele ngemfudumalo, ehhotela; ezinkundleni ebesizilolongela kuzona nakuzo zonke izindawo esifinyelele kuzona abantu bebesijabulela. Bekumnandi ukuba lapha.”
IChiefs izoqhubeka namalungiselelo ayo ngenjoba izobhekana nePirates ngempelasonto.
Umdlalo uzoqala ngo-15:30 eFNB Stadium.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.