AbeSunday Sun babike ukuthi itshe lewele likaMeyiwa nokubhaliswe esikoleni ayefunda kuso kokubili lokhu kukufakazelile ukuthi iminyaka kaMeyiwa ingu-30 ubudala hhayi eng-27 njengokuzazisa kwakhe.
Ngokushiwo yileliphephandaba itshe lewele likaMeyiwa uSiya owadlula emhlabeni ngonyaka ka-1993 lasuswa ngubaba wabo uSam Meyiwa ngosuku okwafihlwa ngalo uSenzo.
OLUNYE UDABA: Umzuzu onzima kufihlwa uMeyiwa
Kuthiwa itshe lewele likaMeyiwa uSiya lalilotshwe ukuthi wazalwa ngomhlaka-24 Januwari 1984.
Abephephandaba baphinde bathi bathole ukuthi nasesikoleni uSenzo wayebhalise ukuthi ungowa-1984.
NgeSonto okhulumela abeSA Football Association uDominic Chimhavi uthe amaphepha abadlali abekwe ngamazinga ekilabhu.
"Akukho esisakwamukelile okuzokwenza ukuba siphawule ngalolu daba."
- “Like” ikhasi lethu kuFacebook ukuze uthole izindaba ngolimi lwakho