Akuyona inhloso yami ukudlula uMessi - Uzakwabo

Barcelona – Isihlabani sebhola likanobhutshuzwayo saseBrazil uNeymar uzwakalise ukuthi akazimisele ngokuzama ukudlula uzakwabo kwiBarcelona uLionle Messi ngokusho kombiko.

Bobabili laba babadlali abadabuka eNingizimu yaseSouth America babe nesizini ka-2014/16 eyimpumelelo ngemuva kokunqoba izindondo ezintathu neBarcelona kanti bangabanye abadlali ababhekiwe ukuthi baqokelwe kwindondo ye-2015 Ballon d’Or.  

UMessi useke wahlabana kathathu nale ndondo kanti uNeymar kusalindeleke ukuthi abhalise elakhe igama kuyona.

“Akukho ezinhlelweni zami ukuhlula uMessi.

OLUNYE UDABA:Owe-Arrows ukhaliswe yizigidi ngomdlali waMaZulu

Mina ngifuna ukuzakhela elami igama ebholeni likanobhutshuzwayo ngaphandle ngokuqahathaniswa namuntu,” kusho lo mdlali oneminyaka engu-23 ubudala etshela  iSporTV ngokubika kweKickOff.

“Ngifuna ukuhamba ngendlela yami ngaphandle kokulandela ezicathulweni zabanye abadlali.

Okubalulekile kimina ukuqhubeka nokuthi ngizithuthukise.”

Laba badlali kulindeleke ukuthi babe yizimbangi uma sebedlalelwa amazwe abo emdlalweni yokuhlungela indebe yomhlaba ka-2018.

   - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter