AmaZulu afuna ukuguqula isimo sawo kwiPSL

Durban – AmaZulu aqashe uSteve Barker njengomqeqeshi wawo omusha ngokushesha ukusiza leli qembu elingahanjelwa yizinto kahle kwi-Absa Premiership.

Lo mqeqeshi oneminyaka engu-46 ubudala ujoyina Usuthu ngemuva kokuchitha iminyaka eyisithupha kwi-University of Pretoria njengoba eyisize ingene esigabeni esiphezulu sePremiership ngesizini ka-2011/12.

“USteve Barker useqashwe ngokugcwele njengomqeqeshi wamaZulu. Unesipiliyoni esisidingayo ukulungisa isimo esibhekene naso kwiligi.

OLUNYE UDABA: Baphawula ngokwesula kukaBarker eyakumaZulu

“Sisazodingida nethimba lethu labaqeqeshi ngendlela eyaphambili esiyilindele nokuthi sizowaguqula kanjani amatafula,” kusho iGeneral Manager yamaZulu uPeter O’Connor itshela i-KickOff.

UWilfred Mgeyi nguyena obebambe izintambo kuSuthu ngemuva kokuxoshwa kukaCraig Rosslee ngomhlaka 15 ku-Okthoba.

Amazulu asemsileni kwilog ngemuva kwemidlalo engu-11.

     - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter