Durban - Umdlali we-Orlando Pirates u-Issa Sarr ufuna ukuqhubeka nerekhodi lakhe elihle emidlalweni yamanqamu uma sebebhekene neKaizer Chiefs eThekwini ngempelasonto.
Ngesizini edlule, lo mdlali waseSenegal wafinyelela kweyamanqamu
kabili esadlalela iPlatinum Stars, wayinqoba yombili leyo mdlalo, iTelkom
Knockout neMTN8.
USarr waqokwa njengomdlali ovelele ngesikhathi benqoba iMTN8 kumaphenathi
beshaya i-Orlando Pirates, osekuyiqembu lakhe manje.
Funda nalolu daba: I'Bhele' lithi iyadlula iPirates.
Lo mdlali uthi akazimisele ngokuthi irekhodi lakhe liphuke futhi unethemba lokuthi uzoqhubeka nokudlala kahle naseMoses Mabhda njengoba esefomini.
"Angikaze ngishaywe kowamanqamu. Ngesizini edlule ngadlala imidlalo emibili yamanqamu ngawinqoba yombili,” usho kanje kuKickOff.com.
"Nginalo ithemba lokuthi sizoyiqumba phansi iKaizer Chiefs
liqhubeke irekhodi lami elihle,” usho kanje.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.