Umphumela wangoLwesithathu ebusuku ushiye iChiefs ilandela emuva iMamelodi Sundowns ngamaphuzu amahlanu, kanti iDowns izosithathi lesi sicoco uma ingakwazi ukunqoba imidlalo yayo emibili eyisalele.
UBaxter ngemuva kokudlala ngokulingana eBidvest Stadium uthe: "Bekuwimdlalo onzima, akekho obevuma ukugoba uphondo, bekuwimdlalo omuhle webhola kubalandeli abebesenkundleni kanye nalabo abebebukele emakhaya.
"Ukukhuluma iqiniso nje, lo mdlalo ubunganqontshwa yinoma ngubani. Ukuba inhlanhla ibingakuthina ngabe sinqobe okungenani ngamagoli amabili, kodwa futhi ukuba bekuyilanga elingelihle ngabe sishayiwe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.