Johannesburg – Kuqale kwayibhedela i-Orlando Pirates
ngesiwombe sokuqala emdlalweni wayo neSuperSport njengoba kuyiwe ekhefini
ihlulwa ngelilodwa eqandeni kulo we-Absa Premiership.
Ngesiwombe sesibili Amabhakabhaka enze
izinguquko afaka u-Issa Sarr aqala
ukudlala ibhola elihlanganayo.
USarr akuphelanga isikhathi esingakanani
esenkundleni wazibonakalisa ubukhona bakhe ngesikhathi ebhakuzisa inethi
elinganisa kanti usuyophela umdlalo uSifiso Myeni yena uqobele elikunqobisa
iBucs kulo mdlalo ophele i-United isidlala ngabadlali abayishumi.
Igoli le United ngesiwombe sokuqala
libhakuziswe nguThuso Phala.
USarr utshele i-Soccer Laduma ukuthi nakuba
isikhathi besesihambile ngaphambi kokuthi bashaye amagoli okulinganisa nelokunqoba
imfihlo kube wukungaliphosi ithawula kulo mdlalo.
OLUNYE UDABA: IBucs inelungelo lokwelula inkontileka kaManyisa
Lo mdlali wasesiswini odabuka eSenegal uthe
njengeqembu bekubalulekile ukuthi baguqule amatafula babuyele ekunqobeni.
“Bekuwumdlalo onzima kakhulu kuwona womabili
la maqembu.
Ngesiwombe sokuqala bathole amathuba amaningi abahlulekile
ukuwasebenzisa.
Kodwa asizange siliphose ithawula siqhubekile nokulwa
enkundleni .
Ngemuva kwegoli lokulinganisa sibonile ukuthi singakwazi ukuwnqoba
lo mdlalo uma siqhubeka nokubacindezela,” kusho uSarr oke wagijima kwiPlatinum
Stars.
NgoLwesithathu iBucs izobhekana
ne-University of Pretoria.
- “Like” ikhasi lethu kuFacebook ukuze uthole izindaba ngolimi lwakho