Johannesburg - Umdlali wasemuva kuKaizer Chiefs, uTsepo Masilela, uthi bakuqonda kahle ukuthi abagadli be-Orlando Pirates bayingozi kodwa lokho akubakhathazi ngoba bayazi ukuthi kumele baqine.
Amaqembu amabili amakhulu eNingizimu Afrika azohlangana kowamanqamu eMTN8 namhlanje ngoMgqibelo eMoses Mabhida Stadium emdlalweni okulindeleke kuqhanse izinsansi kuwona.
Abagadli bePirates uKermit Erasmus noLehlohonolo Majoro basefomini emangalisayo muva nje.
“Siyazi ukuthi u-Erasmus no-Majoro bangabagadli abanohlonze nabayingozi,” usho kanje.
Funda nalulo daba: UModise uthi liyadlula iBhakabhaka.
“Kodwa noma kunjalo, nathi senza kahle uma sihlasela futhi sizozama ukusebenzela phezulu kwalokhu esikwenzayo bese siyabona ukuthi kusihambela kanjani kunokuba simoshe isikhathi sicabangana nabo,” kusho uMasilela oqhube wathi bayayazi iPirates ukuthi idlala kanjani, kubika iKickOff.com.
Njengoba iPirates amagoli ayo amaningi efakwa amagadli bayo, abagadli beChiefs bona basebenzisana kakhulu nabadlali basesiswini njengoba uReneilwe Letsholonyane eseshaye amagoli angu-6, uMandla Masango (5), George Maluleka (3) kanti uGeorge Lebese yena usafake amabili kuyona yombili imiqhudelwane.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.