Bekungebona ubusuku bethu - OweBucs

Johannesburg – Umdlali we-Orlando Pirates u-Oupa Manyisa ukhale ngokushoda kwamaphasi ayingozi emdlalweni waleli qembu ne-Unuversity of Pretoria ophele la maqembu edlala ngokulingana. 

Ngokubika kwe-KickOff kulo mdlalo obungoLwesithathu ebusuku uManyisa obengumdlali ovelele ukhale kakhulu ngokuwasebenzisi amathuba abawatholile ukuze baqede ngamaTuks.

Kulo mdlalo iBucs ibe namathuba amaningi kodwa yahluleka ukubhakuzisa inethi njengoba lo mdlalo uphele kuyiqanda ngapha nangapha. 

AmTuks abedlala umdlalo wawo wokuqala ngaphansi kwabaqeqeshi abasha uSammy Troughton noSeloatse Mosala ngemuva kokushiya isidumo kukaSteve Barker ojoyine AmaZulu ngeledlule.  

OLUNYE UDABA:  Kumfanele ukuba ngu-Captain uManyisa - VV

“Namhlanje bekungelona usuku lwethu, sizamile ukulwa sakha namathuba kodwa sahluleka ukuwasebenzisa ,” kusho ulo mdlali oqhoqhobele isikhundla sobukaputeni.

Ngemuva kwalo mdlalo uManyisa obuye abe yingxenye yeBafana Bafana uthe uzoqhubeka nokulwa ngoba akufunayo empilweni wukudlala ibhola.

“Kuwumebenzi wami ukudlala ibhola,” esho.

       - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter