ElaseTurkey lifuna uMasango?

Johannesburg – Angase ajoyine iqembu laseTurkey obengumdlali weKaizer Chiefs uMandla Masango njengoba kuvela ukuthi kuneqembu elimgaqele lomdlali ongenalo iqembu asayine kulona okwamanje.

UMasango usematasa neqembu lesizwe iBafana Bafana elizodlala umdlalo wokuhlunga we-2016 CHAN neMauritius ngeSonto ekuhambeni.

Ngokuthola kweSiya Crew uMasango ugaqelwe kakhulu yileli qembu elingadalulwanga ngemuva kokuba obenguzakwabo uGeorge Lebese echithe isivumelwano ebesimakhela isamba semali elinganiselwa ku-R10million eminyakeni emithathu ezayo.

Umphathi wabadlali wakuleli uJosiah Mphono ukuqinisekisile ukuthi kuneqembu elifuna uthuli lo mdlali njengoba ezimisele ukumsiza.

OLUNYE UDABA: Uzilolonga neWits owaxoshwa kuSuthu

“Ngiyaxhumana naye (uMasango).

Engikudinga kuyena ukuthi asayine isivumelwano sokuthi ngimumele.

Ubengakasisayini ngenxa yokuthi umatasa neqembu lesizwe.

Nakanjani singagcina sivumelene naleli qembu,” kusho uMphono.

Mphono ukuphikile ukuthi iqembu eligaqele lo mdlali yilelo eliqeqeshwa uStuart Baxter iGenclerbirligi.

Inkontileka kaMasango neChiefs iphele ngoJune ngakho lo mdlali ukhululekile ukuthi angasayina noma nini futhi noma naliphi iqembu elimfunayo.

        - “Like” ikhasi lethu kuFacebook ukuze uthole izindaba ngolimi lwakho

            - Landela IzindabaNews24 kuTwitter