Johannesburg - IBloemfontein Celtic ithe kusathule mayelana nesinqumo ngecala lomgadli ogijima kwiKaizer Chiefs uCamaldine Abraw, ngokusho kombiko.
ICeltic yafaka lomgadli odabuka eTogo kwikomidi eliqondisa izigwegwe lePremier Soccer League ngemuva kokuba elaxaze inkontileka ayeyisayine nabo wayojoyina iKaizer Chiefs.
Lolu daba seludonse izinyanga ezimbili kanti u-Abraw kumanje ubhalise emabhukwini eChiefs njengoba sekukhona nemidlalo aseke wayidlala kuleli qembu.
IPSL yakhipa isitatimende emasontweni ambalwa adlule ukuthi lolu daba seludluliselwe kubashushisi be-PSL kanti kusalindeleke ukuthi kuphume isinqumo maduze njengoba kusathule ngalolu daba.
OLUNYE UDABA: Uthi ayikho ingcindezi kwiBidvest Wits
"Kusathule. IPSL ayikasitsheli lutho okwamanje," isikhulu seCeltic uKhumbulani Konco sichaza ngokubika kweKickOff.
"Sizobabhalela incwadi maduze ukulandelela."
U-Abraw usadlale imidlalo emithathu yeligi kule sizini.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter