Imenenja yeKaizer Chiefs uBobby Motaung uzwakale etshela iKickOff.com ukuthi ngeke bamdedele u-Erick Mathoho noBrilliant Khuzwayo ngenxa yokuthi iqembu “limatasa”.
Njengoba lo mdlalo ungekho ekhalendeni le-FIFA, amaqembu awaphoqelekile ukuba adedele abadlali bawo.
OLUNYE UDABA: UMashaba umemezele elizodlala neCote d'Ivoire
Owezokuxhumana ku-SAFA uDominic Chimhavi uthe usoseshini usazama ukulumana indlebe namaqembu ambalwa.
“Sisabhunga namaqembu ngalolu daba,” kusho uChimhavi.
“Sikhulume cishe nawo wonke amaqembu ngaphambi kokuthi simemezele isikwati. Amaqembu afana noChippa United, Mpumalanga Black Aces neMamelodi Sundowns abe wusizo olukhulu.
“ISundowns ize yasinikeza igunya lokuqoka isibalo sabadlali esisithandayo.”
- “Like”
ikhasi lethu kuFacebook ukuze uthole izindaba ngolimi lwakho