Pretoria - ISuperSport United isinqume ukumbuyisela eqenjini abebolekwe kulo, u-Ayabulela Magqwaka, ngemuva kokuphela kwezinyanga eziyisithupha zesivumelwano.
UMagqwaka, osaziwa ngelika-Ayabulela Konqobe manje, wajoyina aMatsatsantsa esuka ku-Ajax Cape Town ngoJanuwari.
Kulezi zinyanga eziyisithupha azihlalile ngaphandle kukaGordon Igesund, lo mdlali ubunakale kabili kuphela ejezini le-United.
OLUNYE UDABA: Obegijima kuMaZulu ujoyine elasehlathini
Isikhulu seqembu uStanley Matthews utshele iKickoff.com, ukuthi banqume ukungamgcini lo mdlali, 19.
"Ngenxa yalokho usephindele ku-Ajax," kuqinisekisa uMathews.
UKonqobe wabonakala engasekho emseni kamqeqeshi ku-Ajax nokwaholela ekutheni agcine eseshiya leli qembu.