I-UEFA iphakamise ukuthi kuhlehliswe ukhetho lweFIFA

Zurich – Inhlangano eyengamele ibhola likanobhutshuzwayo phesheya kwezilwandle i-Union of European Football Association iphakamise ukuthi kuhlehliswe ukhetho lweFIFA lokukhetha umengameli.

Lo khetho lobuholi kulindeleke ukuthi libanjwe ngoLwesihlanu njengoba uMengameli weFIFA eyintandokazi yokunqoba lolu khetho.

Lokhu kulandela ukuboshwa kwezikhulu eziphezulu zeFIFA ngoLwesithathu eZurich ngemuva kophenyo obeluqhutshwa i-United States lweminyaka.

Phakathi kwezikhulu ezikhalelwe ngamasongo kaSigonyela kubalwa oSekela Mengameli beFIFA uJeffery Webb no-Eugenio Figueredo, owayesikhulu esiphezulu kule nhlangano uJack Warner noMengameli weBhola likanobhutshuzwayo eCosta Rica u-Edeardo Li nezinye izikhulu.

OLUNYE UDABA: Kulindeleke aphendule uMbalula ngezika-2010

Ngokubika kweKickOff i-UEFA ikhiphe isitatimende esibhalwe ukuthi:

“Isigameko esenzeke kwizikhulu zeFIFA sithunaze kakhulu isithunzi sale nhlangano nebhola likanobhutshuzwayo emhlabeni jilelel.

I-UEFA ishaqekile kakhulu ngalesi sigameko ngoba sikhombisa ngokusobala ukuthi inkohlakalo idla lubi kwiFIFA.

Isigameko esifana nalesi sichaza ukuthi kumele kube nezinguquko ezinqala kule nhlangano. Kungakuhle ukuthi ukhetho lwangoLwesihlanu lokukhetha ubuholi kule nhlangani luhlehliswe kuze kube kuphothulwa uphenyo olugcwele.

Ukuqhubeka nokhetho ngaphansi kwalesi sisimo kungakhombisa ukubukela phansi isithunzi sale nhlangano,” kusho isitatimende.

      - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter